Cristiano Ronaldo është nderuar sot (e premte) nga të gjithë pas arritjes së shifrës së 200 ndeshjeve me Përfaqësuesen e Portugalisë.

Portugalia po luan sot ndaj Sllovakisë në ndeshjen e Grupi J, të vlefshme për eliminatoret e Euro 2024.

Megjithatë, kjo ndeshje ka një kuptim të veçantë për legjendën portugeze, Cristiano Ronaldo, i cili po zhvillon ndeshjen e 200 me fanellën e Portugalisë dhe kjo nuk e la pa u nderuar.

Pa filluar ndeshja, drejtuesit e Federatës Portugeze të Futbollit nderuan Ronaldon me një çmim.

Përveç kësaj, tifozët portugez në “Estadio do Dragao” kishin përgatitur një koreografi speciale për idhullin e tyre.

Në tribunë, nëna dhe familja e Ronaldos u panë të emocionuar, kur sulmuesi po nderohej nga i pari i federatës.

Ndryshe, në 200 ndeshje me Portugalinë në të gjitha garat, Ronaldo ka shënuar plot 123 gola dhe 44 asistime. /Telegrafi/